Geringe klagte ná man geslagsdele vir ete voorsit

2012-09-18 15:28

Tokio – ‘n Man wat erken het dat hy sy eie geslagsdele aan betalende kliënte voorgesit het, is aangekla van onsedelike ontbloting, het Tokio se polisie gesê.

Die 23-jarige man is saam met drie ander mense wat hom gehelp het om die geleentheid te reël, aangekla.

Die polisie het ook gesê die man sal nie spesifiek vervolg word omdat hy sy geslagsdele voorgesit het nie, omdat daar nie ‘n wet teen kannibalisme in Japan is nie.

Mao Sugiyama het homself  as ‘n “aseksuele” kunstenaar geïdentifiseer.

Die man het in Mei erken dat hy die geleentheid gehou het om mense bewus te maak van seksuele minderheidsgroepe en aseksuele mense.

‘n Polisie-woordvoerder het gesê dat vier mense betrokke was by die “openbare ontbloting van Sugiyama se geslagsdele, wat hy aan 71 gaste bedien het.”

Die beskuldigdes kan tot twee jaar tronkstraf gevonnis word of ‘n boete van $32 000 elk (sowat R264 000) opgelê word.

Sugiyama het gesê dat sy penis en sy testikels in Maart chirurgies verwyder is. Die geslagsdele was vir twee maande gevries gehou voor die geleentheid in Suginami, ‘n buurt in Wes-Tokio.

Kliënte het sowat $250 (sowat R2 062) per porsie betaal.

– Volg Nuus24 op Twitter
 

- Sapa - AFP