Georgië: Minister vas vir 'marteling'

2012-11-13 17:12

Tbilisi – Owerhede in Georgië het bykomende aanklagte teen 'n voormalige minister aanhangig gemaak ná hy vroeër die maand in hegtenis geneem is omdat hy glo weermaglede aangerand het.

Bacho Akhalaia, ‘n voormalige minister van binnelandse sake en voormalige minister van verdediging, is in hegtenis geneem na hy glo ses soldate in Oktober 2011 aangerand het.

Aanklaers beweer egter nou Akhalaia het mense onwettig aangehou en boonop 17 soldate gemartel. Die soldate is glo aangerand, toegesluit en vir drie aande sonder kos gelaat.

Akhalaia se ondersteuners beweer die aanklagte is polities gemotiveerd. Hy kan tot 12 jaar tronkstraf gevonnis word as hy skuldig bevind word.

– Volg Nuus24 op Twitter
 

- Sapa - AP