Gee kinders pak, sê NZ
2009-08-03 08:41
Wellington – ‘n Referendum oor dit ‘n misdaad is om jou kind pak slae te gee is onderweg in Nieu-Seeland en stembusse bult om lyfstraf te wettig.
‘n Drie weke stemmery wat op 21 Augustus eindig wil die misdaadwetsontwerp wat in 2007 ingestel is verander.
Dié wetsontwerp, wat dit onwettig maak vir ouers om geweld teen hul kinders te gebruik , het dié land verdeel.
Nieu-Seeland is een van 24 lande wat die misdaad verban het.
Die regering en die hoof opposisiepartye sê die nuwe wet werk en terwyl ‘n referendum deel is van die demokratiese proses, word die wet nie deur die uitslag bepaal nie.
Die stembrief lui: “Moet k'n pak as deel van goeie ouerlike tugtiging ‘n misdaad in Nieu-Seeland wees?”
‘n Plaaslike televisiekanaal het aan die begin van die stemmery ‘n peiling vrygestel wat toon dat 83% van Nieu-Seelanders glo ouers moet hul kinders onder sekere omstandighede pak gee.
Die doel van die wet in 2007 was om die hoë syfer van kindermishandeling hok te slaan en om te verhoed dat mense “ouerlike dissipline” as verweer teen aanrandingsklagte te gebruik.
Ondersteuners van die wet sê dit gee baba’s en kinders dieselfde beskerming teen aanranding as dié van volwassenes, terwyl teenstanders sê dit lei tot “goeie families” wat veroordeel word.
Die premier, John Key, het Maandag gesê dat polisie verslae toon dat die verbod op dié misdaad werk.
Hy het ook gesê as dít verander sal die referendum oorweeg word.
Minstens 310 000 mense was verlede jaar ten gunste van die referendum.
Sapa-AFP