Gasa-geweld: 16 000 reserviste opgeroep

2012-11-16 10:51

 Jerusalem – Israel het begin met 'n aksie om 16 000 reservis-soldate byeen te roep terwyl die situasie in die Gasastrook dreig om hand uit te ruk, het die weermag gesê.

Die Gasa-strook loop die afgelope twee dae deur onder swaar lugaanvalle van Israel.

Israelse Amptenare het gewaarsku dat ‘n inval van Palestina nodig kan wees om vuurpyl-aanvalle behoorlik te stuit.

Die weermag sal egter grotendeels afhanklik wees van reserviste, met 'n poel van sowat 30 000 lede wat beskikbaar is.

Israelse lugaanvalle het tot dusver die lewe van 19 Palestyne geëis, insluitend sewe militante en 12 burgerlikes. Ses van die burgerlikes was kinders en een was ‘n swanger vrou.

‘n Vuurpyl-aanval het Donderdagoggend drie lewens in Israel geëis.

– Volg Nuus24 op Twitter

- Reuters