Gaddafi-beampte se lyk op plaas gevind

2013-01-06 11:27

Benghazi – ‘n Veiligheidsbeampte uit die Muammar Gaddafi-era het die naweek in ‘n aanval in gesterf, het plaaslike amptenare gesê.

Dié nuutste aanval op die stad Benghazi werp lig op die tekort aan sekuriteit in die ooste van Libië.

“Lt.kol. Nasser al-Magrabi is dood op sy plaas gevind...” het ‘n amptenaar vir die stad se departement van kriminele ondersoeke aan die nuusagentskap AFP gesê. Hy wou nie sy identiteit bekend maak nie.

“Hy is geskiet,” het die anonieme amptenaar gesê.

‘n Ander amptenaar sê die lyk is “op ‘n plaas in die Sidi Faraj-gebied gevind” en dat “ondersoeke nou voortduur.”

Albei bronne sê Magrabi het vir die vorige regime se interne sekerheidsdienste in Benghazi gewerk tydens die era van die ontslape diktator, wat in 2011 deur opstande in die land ontsetel is.

Volg Nuus24 op Twitter  

- Sapa - AFP