Fransman wat babas smokkel dalk beboet
2011-05-05 20:33
Kiëf (Die Oekraïne) - ‘n Franse man wat in die Oekraïne aangehou word nadat hy sy tweelingdogters, wat aan ‘n surrogaatmoeder gebore is, na Hongarye wou smokkel, en sy pa kan dalk ‘n boete van tot 1 500 euro’s (sowat R14 000) opgelê word en daar kan beslag op hul bussie gelê word.
Patrice Le Roch en sy pa, Bernard, is in Maart in hegtenis geneem nadat hulle probeer het om die grens met Hongarye te oorsteek met die babas wat onder ‘n matras in die bussie weggesteek was.
Hulle het gesê hulle het dit uit wanhoop gedoen nadat die Franse regering, wat nie surrogaatskap herken nie, geweier het om paspoorte aan die babas toe te ken.
Le Roch het Donderdag gesê ‘n uitspraak in sy verhoor in die dorp Berehovo in die weste van die Oekraïne word op 17 Mei verwag. Hy is vry op borgtog.
- Volg Nuus24 op Twitter
- Sapa - AP