Franse toeris in Kambodja vermoor
2013-02-11 11:08
Phnom Penh – Die polisie in Kambodja het met ‘n moordondersoek begin nadat die naakte lyk van ‘n 25-jarige Franse toeris in ‘n rivier gevind is, het beamptes Maandag gesê.
Die slagoffer is Sondag in die suidelike provinsie Kampot gevind, ‘n dag nadat sy laas gesien is toe sy haar gastehuis op ‘n fiets verlaat het, het die provinsiale polisiehoof in Chiva aan AFP gesê.
“Ons aanvaar dit is ‘n moordsaak, want sy is erg op die voorkop geslaan,” het hy gesê en bygevoeg dat daar ook beserings op die slagoffer se arms is.
Die Franse ambassade het gesê die slagoffer se familie is in kennis gestel van haar dood.
“’n Ondersoek is aan die gang om die presiese oorsaak van die dood te bepaal, maar volgens wat ons gesien het, is dit waarskynlik ‘n kriminele saak,” het Nicolas Baudouin, hoofsekretaris by die ambassade, aan AFP gesê.
– Volg Nuus24 op Twitter
- Sapa - AFP
