Franse egpaar vergiftig kinders
2009-09-13 05:21
Parys - ‘n Franse egpaar is tronk toe gestuur na hulle hul kinders met canneloni vergiftig het.
Marie-Hélène Martinez het die daad ontken, maar die hof het haar skuldig gevind.
Sy is tot 20 jaar tronkstraf gevonnis terwyl Jean-Paul Steijns tot tien jaar gevonnis is.
Hulle het hul agt jaar oue dogtertjie, Melissa, en sewe-jarige seuntjie, Jason, vergiftig.
Familie van die kinders was nie tevrede met die vonnis nie en wou gehad het die ouers met langer sit.
“Gaan dood in die tronk,” het die kinders se tannie aan Martinez (29) geskree.
Martinez het in trane uitgebars toe die vonnis gelees word terwyl haar man geen emosie gewys het nie.
“Hulle moes lewenslank gekry het.
“Tien jaar is niks vir ‘n ma wat haar eie kinders vergiftig nie,” het ‘n ander familie lid geskree.
Martinez het aanvanklik ontken dat sy ‘n dag na haar stilgeboorte die kinders vermoor het.
Die stil gebore baba is ‘n paar dae later op hulle balkon gevind.
Melissa en Jason het getuig dat hulle finansiële probleme gehad en toe besluit het om die kinders te vergiftig aangesien dit makliker sou wees sonder hulle.
Steijns, wat nie die biologiese pa is nie, voer aan dat Melissa hom oorreed het om die moorde te pleeg nadat hulle hul woonstel in Marseille verloor het.
Die hof het egter altwee skuldig bevind van die vergiftiging.
Volgens ‘n Franse publikasie, het die kinders gekla dat die pasta bitter was en dat hulle dit nooit opgeëet het nie.
Hulle is dieselfde aand dood en die egpaar het hulle lyke in die kattebak van hul motor weggesteek.
Steijns het ‘n maand aan die polisie skuld bely.
Die polisie vind toe ook die verrotte liggaam van die stilgebore baba op hulle balkon gevind.
Die rede vir die baba se dood kon nie bevestig word nie.
Martinez se prokureur het gesê hulle gaan appelleer, maar dat hulle “’n groot kans vat”.
www.skynews.com