Frankryk: Drie kinders keelaf gesny
2013-02-22 15:26
Dampmart – Drie Franse kinders is Vrydag by hul huis naby Parys gevind nadat hul keelaf gesny is, het die polisie gesê, en bygevoeg dat ‘n soektog na hul ma begin is.
Die pa van die kinders, wat ‘n dokter is, het hulle gevind toe hy van sy werk teruggekeer het, het die polisie en regsbronne gesê.
Die kinders is onderskeidelik nege, 11 en 17 jaar oud.
“Die kinders is keelaf gesny, maar ons wag nog vir forensiese verslae,” het ‘n bron gesê.
Die lyke van die negejarige meisie en haar 11-jarige broer het verskeie steekwonde gehad.
Die oudste broer is lewend gevind, maar het later aan sy beserings beswyk.
Die moorde het in Dampmart, 30 km oos van Parys, plaasgevind. Die pa was in ‘n toestand van skok.
“Ons is aktief op soek” na die ma, het ‘n bron gesê en bygevoeg dat sy in haar veertigs is.
– Volg Nuus24 op Twitter
- AFP
