Filippyne: Dodetal styg tot 36

2012-08-09 16:00

Manila – Die dodetal ná dae van swaar moesonreën in die Filippynse hoofstad en noordelike provinsies het tot 36 gestyg, het amptenare Donderdag gesê.

Vier mense word vermis en minstens 14 is beseer, het die departement van verdediging, die polisie en die plaaslike owerhede gesê.

Altesaam 23 van die slagoffers het verdrink, terwyl nege in 'n grondverskuiwing omgekom het. Drie ander is doodgeskok deur elektriese kabels en een het 'n hartaanval gehad, het die amptenare gesê.

Die reënval is die swaarste sedert 2009, toe kitsvloede 501 lewens in Manila en omringende provinsies geëis het.

– Volg Nuus24 op Twitter.