Fetus onder Kersboom gevind
2009-12-15 09:50
San Juan - ’n Paartjie van Texas het ’n sewe maande oue fetus in ’n geskenkpakkie onder ’n Kersboom gesit nadat hulle die lyk nie by die toilet kon afspoel nie.
Ruby Lee Medina (31) en Javier Gonzalez (37) van Mission is aangekla vir die mishandeling van ’n lyk en vir die peuter van bewysstukke.
Die polisiehoof van San Juan, Juan Gonzalez het gesê die polisie het die fetus Donderdag in die vrou se karavaan ontdek nadat hulle ’n anonieme wenk gekry het.
’n Nadoodse ondersoek is tans onderweg, maar Gonzalez het gesê die polisie glo die vrou het pille gebruik om die baba self te aborteur.
Sy het kort daarna die ambulans gebel toe sy onophoudelik begin bloei het. Sy het gesê sy weet nie waar die fetus is nie.
Die paartjie het die fetus by die toilet probeer afspoel, maar dit het nie gewerk nie.
"Hulle het na bewering die fetus skoongemaak en dit in ’n boks onder die Kersboom geplaas, het die polisiehoof gesê.
- Sapa-AP