Feestelike atmosfeer by Withuis

2012-11-07 08:04

Washington – 'n Feestelike atmosfeer het geheers terwyl ondersteuners van pres. Barack Obama voor die Withuis byeengekom het om die president se oorwinning in die verkiesing te vier.

Ondersteuners van die president het in die ysige koue Amerikaanse vlae gewaai, gedans, en slagspreuke ter ondersteuning van hulle kandidaat gedreunsing.

Amerikaanse televisienetwerke het 'n oorwinning vir Obama voorspel in die verkiesingstryd teen sy Republikeinse teenstander, Mitt Romney.

CNN het pres. Barack Obama Woensdag omstreeks 06:20 Suid-Afrikaanse tyd as die wenner aangewys. NBC en CBS se projeksies het ook getoon dat Obama die stryd gewen het.

Nicole Arow, 28, 'n aktivis wat saam met die skare by die Withuis was, het gesê sy is "opgewonde en verlig" oor Obama se oorwinning.

"Blydskap. Dis wat ek voel," het sy gesê.

"Ek is ongelooflik opgewonde," het Justin Pinn, 'n 22-jarige student van die Georgetown-universiteit, gesê.

"Ek voel my hoop is vernuwe en ek is gereed om die goeie stryd te stry. Dis 'n goeie dag om 'n Amerikaner te wees!" het hy gesê.

– Volg Nuus24 op Twitter.

- AFP