Familie van vermoorde eis vir skade
2009-11-28 02:52
Perugia - Die prokureur van die familie wie se dogter in Italië vermoor is, het gesê hulle eis $37 miljoen (R274 miljoen) in skadevergoeding van 'n Amerikaner en nog twee verweerders in dié moordsaak.
Die prokureur, Francesco Maresca, het Vrydag in die hof gesê dat die familie van die 21-jarige Meredith Kercher kompensasie soek van Amanda Knox, haar mede-aangeklaagde Raffaele Sollecito en die Ivoriaan, Rudy Herman Guede, wat reeds in 'n aparte verhoor skuldig bevind is.
Aanklaers het die jurie, wat uit agt lede bestaan, gevra om Knox en Sollecito lewenslank tronk toe te stuur.
Die hofuitspraak word volgende week verwag.
Kercher se lyk is in ‘n woonplek in Perugia, wat sy saam met Knox gedeel het, op 2 November 2007 gevind.
Aanklaers glo dat die Brit, die slagoffer was van ‘n seksspeletjie wat deur dwelms aangevuur is.
Sapa-AP