Familie afgemaai in Bagdad

2012-12-04 14:44

Bagdad – Ses lede van ‘n familie in Bagdad is dood toe ‘n groep gewapende mans by hul huis ingebreek het en op hulle begin skiet het, het die polisie gesê.

Die aanvallers was glo gewapen met pistole wat knaldempers op het. Die voorval het Dinsdag in die Zayona-buurt plaasgevind. Twee kinders, wat 10 en 12 jaar oud was, is ook in die aanval dood.

Dit is nog nie bekend hoekom die familie aangeval is nie en dit blyk nie of iets uit die huis gesteel is nie.

‘n Gesondheidsamptenaar by ‘n nabye hospitaal het die dodetal bevestig.

– Volg Nuus24 op Twitter
 

- Sapa - AP