Facebook-vete eindig in tragedie
2010-07-24 16:45
Pontiac, Michigan - 'n Vrou is dood, 'n ander beseer en nog een in die tronk ná 'n Facebook-vete tussen twee vroue van Michigan oor die liefde van 'n gevangene.
Dié vete het in 'n wilde jaagtog ontaard en Torrie Emery staan tereg op verskeie aanklagte, insluitend moord.
Die polisie sê Emery en haar driejarige dogter het rondgery toe sy haar vyand Danielle Booth in die passasiersitplek van 'n ander motor sien.
Volgens hulle het Emery die motor teen 'n spoed van 160 km/h gery.
Alesha Abernathy, wat die ander motor bestuur het, het oor 'n rooi verkeerslig gejaag en teen 'n vullistrok gebots.
Abernathy is dood en Booth kritiek beseer.
Emery en haar dogter is albei ongedeerd.
Volg Nuus24 op Twitter
- AP