Facebook-partytjie by politikus se huis ruk hand uit
2011-08-26 23:14
Londen – Sowat 100 luidrugtige tieners het die luukse woning van ‘n konserwatiewe Britse parlementslid vertrap na hulle op Facebook van sy dogter se partytjie gehoor het.
Die besope tieners het Simon Kirby se huis ter waarde van £2.25 miljoen (sowat R26 miljoen) ongenooid vertrap terwyl hy saam met sy vrou op vakansie was.
Sy 19-jarige dogter Briony het die polisie gebel na hordes luidrugtige partytjiegangers die eiendom betree het, op die bure gevloek het en bierblikke oor die tuin gestrooi het.
Die privaatskoolmeisie wou glo ‘n rustige aandjie saam met ‘n paar vriende vier, maar nuus oor die geselligheid het soos ‘n veldbrand op Facebook versprei.
Die bure het gesê dit was ‘n “aaklige ervaring.”
Raserige tieners het hulle glo wakker gehou en die gholfbaan agter die huis was glo oorvul met dronk tieners.
– Lees die volledige storie hier.
– Volg Nuus24 op Twitter.