FBI: Vrou jok oor 'rasse-aanval'

2012-10-24 12:28

Chicago – ‘n Jong swart vrou van New Orleans wat beweer het dat sy die slagoffer van ‘n rasse-aanval was, het nie die waarheid oor haar beserings gepraat nie, het Amerikaanse owerhede gesê.

Die vrou het beweer dat drie mans haar aan die brand gesteek het ná hulle rassistiese slagspreuke op haar motor geskryf het.

“Die wonde is self toegedien,” het Kyle Hanrahan, ‘n woordvoerder vir die FBI, gesê. Owerhede het nie meer besonderhede gegee oor die bewyse in die saak nie.

Die 20-jarige Sharmeka Moffitt is erg verbrand en is steeds in ‘n kritieke toestand.

Moffitt het aan die polisie gesê dat die mans haar met ‘n vlambare vloeistof gegooi het en haar toe aan die brand gesteek het.

Polisiebeamptes het wel die letters KKK, wat vermoedelik verwys na die rassistiese Ku Klux Klan-groep, en ander rassistiese slagspreuke op haar motor gevind.

– Volg Nuus24 op Twitter
 

- AFP