Egiptiese polisie vernietig drie tonnels
2010-07-23 22:29
Rafah, Egipte – Egiptiese polisie het drie tonnels op die grens met die Gasastrook vernietig en beslag gelê op gesmokkelde goedere, maar niemand is in verband hiermee in hegtenis geneem nie, het ‘n Egiptiese sekuriteitsbron Vrydag gesê
Een tonnel wat gebruik was om motors te smokkel is Vrydag in die Al-Ahrash-omgewing van die grensdorp Rafah gevind.
Die ander twee is laat Donderdag in die Salaheddin woonbuurt gevind en was gebruik om kos en mediese voorraad te smokkel.
Polisie het goedere in plastieksakke gevind, maar niemand is in hegtenis geneem nie.
Palestyne het duisende tonnels gemaak om goedere en petrol van Egipte na die Gasastrook te smokkel, nadat Israel vier jaar gelede ‘n blokkade op die armoedige enklawe ingestel het.
Israel het die blokkade verlede maand gelig.
Beide Israel en Egipte het honderde tonnels oor die laaste drie jaar vernietig.
Volg Nuus24 op Twitter
- Sapa-DPA