Egiptenare stem ten gunste van grondwet

2012-12-23 14:43

Kaïro – Die meerderheid van Egiptenare het gestem om 'n verdelende omstrede grondwet in 'n twee-ronde referendum goed te keur, het die regerende Islamiete gesê.

Die Moslem-broederbond en die amptelike Al-Ahram-koerant het berig dat sowat 64% ten gunste van die grondwet gestem het.

Die uitslae, wat Sondagoggend op die Broederbond se webwerf gepubliseer is, toon dat agt miljoen uit 25 miljoen Saterdag gestem het.

Die referendum is oor twee dae – 15 en 22 Desember – gehou.

Die referendum, wat fokus op 'n nuwe wet wat pres. Mohamed Morsi baie meer mag sal gee, het reeds groot onmin in die land veroorsaak. Agt mense is verlede week in botsings in Kaïro dood, en talle is beseer.

Die referendum vind oor twee naweke plaas om te verseker dat daar genoeg waarnemers is by stemlokale is.

Die Broederbond, pres. Mohammed Morsi se party, het in die verlede akkuraat verkiesingsuitslae voorspel. Die amptelike uitslae sal binne die volgende paar dae bekend gemaak word.

– Volg Nuus24 op Twitter

- SAPA