Eerste lesbiese paartjie trou in Portugal
2010-06-08 02:47
Lisbon, Portugal – ‘n Lesbiese paartjie was Maandag die eerstes om in Portugal ‘n gay-troue te hê nadat die land, wat merendeels Katoliek is, ‘n maand gelede ‘n wet ingestel het waarin gay-huwelike goedgekeur is.
Teresa Pires en Helena Paixao, beide geskeide ma’s in hul dertigs wat al sedert 2003 saam is, het in ‘n 15-minuut seremonie by ‘n Lisbon registrasiekantoor in die eg getree.
“Hierdie is ‘n reuse-oorwinning, ‘n droom wat waar geword het,” het Pires gesê en haar nuwe huweliksmaat gedruk en gesoen.
“Nou is ons ‘n familie, dit is die belangrikste ding,” het Pires gesê en bygevoeg dat hulle sal aanhou om te veg vir gelyke regte vir homoseksuele mense, insluitende aanneming.
Die seremonie kom minder as ‘n maand nadat Portugal se konserwatiewe president ‘n gay-huwelikswet bekragtig het. Sy goedkeuring maak Portugal die sesde land in Europa wat dieselfde geslag huwelike toelaat.
Volg Nuus24 op Twitter
- Sapa - AP