Een sterf ná helikopter in luukse oord val

2012-11-23 09:15

Nassau – Een persoon is dood en vier ander beseer nadat 'n helikopter Donderdag in 'n luukse oord in die Bahamas neergestort het.

Noel Curry, ‘n polisiebeampte, het gesê al die mense wat aan boord van die helikopter was, is Amerikaanse burgers.

Curry wou egter nie kommentaar lewer oor die ander vier se beserings nie.

Livingston Marshall, woordvoerder vir Baker's Bay Golf & Ocean Club, het gesê die vlieënier het in die ongeluk gesterf.

“Die ander vier oorlewende passasiers ontvang tans mediese behandeling,” het Marshall gesê.

‘n Werknemer het aan AP gesê hoe hy en ander inwoners die oorlewendes uit die wrak gered het. Hy het die ongeluk as ‘n “nagmerrie” beskryf.


– Volg Nuus24 op Twitter

 

- Sapa - AP