Een sterf in ontploffing in Thailand

2012-11-17 08:20

Pattani, Thailand – Een persoon is dood en 20 gewond in die suide van Thailand wat deur geweld geteister word, nadat vermeende insurgente 'n motorfietsbom gedetoneer het.

Die polisie het gesê vyf geboue is ook Saterdag – 'n dag voor pres. Barack Obama se besoek aan die land – in die middestad aan die brand gesteek.

Kol. Narin Busaman, polisiewoordvoerder, het gesê die vermeende militante het die bom, wat in 'n motorfiets versteek was, gedetoneer toe 'n groep soldate verby die stad se sakekern beweeg het.

Hy het gesê vyf soldate en 15 burgerlikes is beseer. Die polisie het nog nie die oorledene geïdentifiseer nie.

Obama sal na verwagting Sondag in die land aankom en hy sal ook 'n besoek aan Mianmar en Kambodja bring.

– Volg Nuus24 op Twitter

- SAPA