EU ontvang Nobel-vredesprys

2012-10-12 11:51

Stockholm – Die Europese Unie (EU) het Vrydag die Nobel-vredesprys vir hul ses dekade lange vredeswerk in Europa ontvang.

Die Nobelkomitee het tydens die seremonie in Oslo, Noorweë, gesê dat die EU gehelp het om Europa van ‘n kontinent van oorlog na ‘n kontinent van vrede te verander. het BBC News berig.

Die toekenning kom op ‘n tyd wat die EU deur sy grootste finansiële krisis in 54 jaar in die gesig gestaar word.

Dit is die eerste keer sedert 1999 dat ‘n organisasie die toekenning ontvang.

Die noodlenigingsorganisasie Medecins Sans Frontieres (MSF) het toe met die prys weggestap.

Thorbjoern Jagland, voorsitter van die Nobelkomitee, het erken dat die EU tans ‘n finansiële krisis beleef, maar het bygevoeg dat die komitee gefokus het op die vrede, versoening, demokrasie en menseregte wat die unie die afgelope ses dekades bewerkstellig het.

Martin Schulz, president van die Europese parlement, het gesê dat hy diep geraak is deur die toekenning.

– Volg Nuus24 op Twitter