Dwelmhandelaar in Saoedi-Arabië onthoof
2012-01-30 19:01
Saoedi-Arabië – 'n Pakistanse man is in Saoedi-Arabië onthoof nadat hy probeer het om dwelms by dié ultra-konserwatiewe land in te smokkel, het die ministerie van binnelandse sake Maandag gesê.
“Salman Khan Taj Mohammed is in hegtenis geneem nadat hy probeer het om 'n groot hoeveelheid heroïen by die land in te smokkel," het die ministerie in 'n verklaring gesê.
Hy is ondervra en skuldig bevind aan dwelmsmokkelary, 'n misdryf waarvoor die doodstraf opgelê word volgens die land se streng Islamitiese wette.
Die man is in Dammam in die oostelike deel van Saoedi-Arabië onthoof. Dit bring die aantal mense wat in 2012 in Saoedi Arabië onthoof is tot op vyf.
– Volg Nuus24 op Twitter.
- AFP