Duitser vas oor brande in Los Angeles
2012-01-03 18:03
Los Angeles – Amptenare in Los Angeles het gesê die polisie het 'n Duitse man in hegtenis geneem in verband met 'n rits brandstigting-insidente wat miljoene dollar se skade aan eiendom aangerig het.
"Die polisie het omstreeks 03:00 (13:00 plaaslike tyd) 'n 24-jarige man genaamd Harry Burkhart in hegtenis geneem, wat nou teregstaan op een aanklag van brandstigting by 'n onbewoonde huis, en wat tans sonder borg aangehou word," het Antonio Villaraigosa, die stad se burgemeester, Maandag gesê.
"Ons verwag dat daar soos die saak ondersoek word, meer aanklagte teen hom bygevoeg sal word," het die burgemeester gesê.
Burkhart is deur nuuskanale beskryf as 'n Duitse burger wat in Hollywood woon.
Altesaam 53 brande in Hollywood en ander dele van Los Angeles het meer as $2 miljoen (ongeveer R16 miljoen) se skade aangerig. 'n Spesiale taakmag is in die lewe geroep om dié beweerde brandstigter vas te trek.
– Volg Nuus24 op Twitter.
- Sapa - AFP