Duitse presidensiële woordvoerder in die sop
2012-01-19 20:59
Hanover – Die polisie het ‘n klopjag op die huis van Olaf Glaeseker, voormalige woordvoerder van pres. Christian Wulff van Duitsland, uitgevoer.
Volgens aanklaers het die polisie aanklagte van omkopery ondersoek.
Die polisie het die huise en kantore van Glaeseker en ‘n kollega, Manfred Schmidt, in Berlyn, in ‘n voorstad van Hanover en in Switserland deursoek.
Die ondersoek dreig om Wulff en die Duitse bondskanselier, Angela Merkel, skade te berokken.
Wulff het Glaeseker verlede maand die trekpas gegee.
Volg Nuus24 op Twitter
- Sapa-DPA