Duitse pensionaris bestuur al 51 jaar sonder lisensie
2010-08-12 02:58
Die Duitse polisie het ‘n 79-jarige man van die pad getrek toe hy met sy kar in ‘n verkeerde baan in beweeg het, net om uit te vind sy lisensie is al vir meer as ‘n halfeeu nie meer geldig nie.
Beamptes in die westelike stad Oberhausen het gevra om sy lisensie te sien nadat hy teen die aankomende verkeer by ‘n supermark se parkeergebied in gery het.
Die pensionaris het sy identiteitskaart en sy motorregistrasievorms oorhandig, maar gesê hy’t sy bestuurderslisensie verloor.
“’n Voorlopige ondersoek het onthul die 79-jarige se lisensie is teruggetrek,” het die polisie in ‘n verklaring gesê.
“Rekenaarrekords toon dat hy verbied is om ‘n motor te bestuur tot Junie 2031. Dit is een dag voor sy honderdste verjaardag.”
Die man, wie se naam nie bekendgemaak word nie, se lisensie is in 1959 teruggetrek weens dronkbestuur. Toe hy hom nie daaraan gesteur het nie en verskeie kere weer op die pad geklim het, het ‘n regter gesê hy mag vir die volgende 72 jaar nie bestuur nie.
Hy sal nou waarskynlik beboet word.
- Sapa - AFP