Duisende ontruim ná bom in Warskou ontdek word

2012-08-28 20:15

Warskou – Minstens 3 000 mense is Dinsdag uit verskeie geboue in die middestad van Warskou ontruim nadat werkers wat ‘n treinspoor herstel het, ‘n bom uit die Tweede Wêreldoorlog ontdek het, het die polisie gesê.

Die polisie het die weermag na die toneel ontbied om die bom, wat 'n volle 1,5 ton weeg, te verwyder.
 
Verskeie geboue is ontruim totdat die bom verwyder is.

Dit is die derde soortgelyke bom wat die afgelope paar maande gevind is.
 
Sowat 20 mense is op 14 Augustus ontruim nadat werkers wat waterpype herstel het, ‘n soortgelyke bom ontdek het. Dié toestel het sowat 500 kg geweeg.

Minstens 400 mense is in Februarie ontruim toe nóg ‘n bom van 1,5 ton gevind is. 

– Volg Nuus24 op Twitter.

- Sapa-DPA