Duisende honde glo in Oekraïne 'geslag'
2011-10-24 14:11
Kiev – Dierebeskermingsgroepe het die Oekraïne daarvan beskuldig dat onwettige metodes gebruik word om rondloperhonde in dié land uit te sit voor die Europese Sokkerbeker in 2012.
Die organiseerder van Euro 2012 ontken egter enige betrokkenheid by ‘n veldtog om die honde van die strate te verwyder.
Amptelike skattings dui daarop dat die hoeveelheid rondloperhonde wat in die gasheerstede Kiev, Donetsk, Kharkiv and Lviv van kant gemaak is, soveel as 9 000 kan wees.
“Dit is ‘n slaghuis,” het Asya Serpinska, die hoof van die Oekraïnse vereniging van dierebeskermingsgroepe, gesê. “Ons is seker daar is ‘n amptelike bevel uitgereik om die Euro-stede van rondloperhonde skoon te vee.”
“Behoed ons as ‘n hond een of ander buitelander byt,” het sy bygevoeg.
Die Oekraïne het ‘n groot bevolking honde, en rondloperhonde word dikwels in groepe gesien ronddwaal in die strate, parke en speelgronde.
Naastenby 3 000 mense is verlede jaar in Kiev alleen deur rondloperhonde gebyt.
– Volg Nuus24 op Twitter.
- AP