Dronk delwer dood 11
2010-08-02 12:43
Beijing – ‘n Besope delwer het Sondag sowat 11 mense doodgery en 30 beseer toe hy met ‘n laaigraaf deur die strate gejaag het ná ‘n onderonsie met ‘n kliënt.
Li Xianliang (38), wat by ‘n steenkool-depot in Nanzuo gewerk het, het eers met die laaigraaf in ‘n kantoor ingejaag. Een persoon het op die toneel gesterf, het Xinhua-nuusagentskap berig.
Die verdagte het daarna op ‘n dodelike jaagtog deur die strate gegaan waartydens hy sewe mense doodgery het. Hy het ook sowat 50 motors, vragmotors, busse en motorfietse beskadig.
Verskeie paaie en winkels is ook beskadig.
“Drie persone het Sondagaand in die hospitaal aan hul beserings beswyk, wat die dodetal op 11 te staan bring,” het ‘n woordvoerder vir die regering in Yuanshi aan AFP gesê.
Sowat 30 persone is in die hospitaal in ‘n stabiele toestand.
Na bewering was Li onder die invloed van alkohol en is hy deur die polisie in hegtenis geneem.
Volg Nuus24 op Twitter.
- Sapa - AFP