'Dronk' ambulansman bots teen ses motors
2010-10-26 10:44
Londen - 'n Paramedikus is in hegtenis geneem op vermoede van dronkbestuur nadat sy ambulans, op pad na 'n noodgeval, teen ses motors gebots het .
Die ambulans, twee minibusse, 'n Ford-wa, 'n Ford Mondeo, Audi A4 en 'n Toyota Avensis was in die ongeluk betrokke.
Niemand is in die ongeluk beseer nie.
Die A52-hoofweg is tussen Bramcote en Stapleford, Nottinghamshire, vir meer as vier uur vir verkeer gesluit.
Die 39-jarige ambulansbestuurder is intussen geskors en sal in Januarie 2011 weer in die hof verskyn.
Lees meer hier
Volg Nuus24 op Twitter