Drie sterf toe lugballon bars

2009-10-14 05:36

Beijing – Drie buitelandse toeriste is Woensdag in Yangshuo in die suide van China dood toe ‘n lugballon ontplof en verongeluk het, het die media berig.

Volgens die Xinhua nuusagentskap was daar vyf mense aan boord die lugballon wat uit beheer geraak en ontplof het, kort nadat dit in Yangshuo, ‘n populêre toeristebestemming, opgestyg het.

Volgens die berig het drie mense gesterf. Hulle nasionaliteite was nog nie bekend nie.

Dit is ook nog nie bekend wat met die ander twee insittendes gebeur het nie.

Sapa - AFP