Drie sterf in vliegramp in Aus

2011-08-19 12:29

Sydney – Altesaam drie mense het gesterf in ‘n helikopter-ongeluk in die suide van Australië.

Daar word vermoed dat ‘n prominente Australiese joernalis een van die oorledenes is.

Australian Broadcasting Corp. (ABC) sê drie van hul bemanningslede, insluitende die veteraan-joernalis Paul Lockyer, is vermoedelik dood nadat die helikopter Donderdag in ‘n afgeleë deel in die suide van die land neergestort het.

ABC sê Lockyer, John Bean (‘n kameraman) en die vlieënier Gary Ticehurst was in die gebied om aan ‘n storie oor die streek van die Eyre-meer te werk.

Volgens die polisie is drie mense in die ongeluk dood. Hulle is besig om die oorsaak van die ongeluk te ondersoek.

Lockyer, wie se loopbaan oor meer as 40 jaar strek, was ‘n bekroonde joernalis wat onder meer aan opdragte in Washington en Asië gewerk het.

Volg Nuus24 op Twitter. 

- Sapa - AP