Drie selfmoord-slagoffers in woonstel gevind
2010-10-15 01:39
Hong Kong – Die lyke van drie mans is in ‘n Hong Kong woonstel gevind ná hulle skynbaar mekaar gehelp het om selfmoord te pleeg.
Polisie moes die woonstel oop forseer ná bure begin kla het oor die ongelooflike stank.
Drie half-ontbinde lyke is in die woonstel gevind.
Die mans het die woonstel met kleeflint geseel en houtskool binne-in die woonstel gebrand.
Die toksiese walms het tot hul dood gelei.
Een van die slagoffers het egter ‘n kopbesering gehad, wat volgens Dave Cameron, ‘n polisieamptenaar, hoogs verdag is.
Die woonstel sowel as die lyke sal ondersoek word om die presiese oorsaak vir hul dood vas te stel.
Om houtskool in ‘n toe vertrek te brand is ‘n gunsteling manier van selfmoord pleeg in Hong Kong, veral onder groepe mense wat ooreenkom om saam selfmoord te pleeg.
Volg Nuus24 op Twitter.