Drie militante in Kenia doodgeskiet
2012-12-10 16:30
Nairobi – Die polisie in Kenia het drie vermeende militante doodgeskiet in die jongste uitbreking van geweld in Mombasa, het die polisie Maandag gesê.
“Drie verdagtes is doodgeskiet tydens die konfrontasie, terwyl vier in hegtenis geneem is,” het Aggrey Adoli, ‘n polisiehoof in Mombasa, gesê.
Die verdagtes word verbind aan die Mombasa Republican Council (MRC), wat eis dat kusstreek van Kenia afhanklik verklaar moet word van die res van die land af.
Die polisie het ‘n klopjag op die verdagtes se huise uitgevoer na ‘n wenk ontvang is dat die mans ‘n aanval op ‘n plaaslike polisiekantoor beplan, het Julius Wanjohi, ‘n bevelvoerder in die polisie, gesê.
“Ons het reageer op ‘n wenk dat die verdagtes ‘n polisiekantoor wou aanval, hulle het toe probeer om die polisie aan te val waarna die drie verdagtes doodgeskiet is,” het Wanjohi gesê.
– Volg Nuus24 op Twitter
- Sapa - AFP
