Dramatiese einde vir VSA-skieter

2013-02-13 07:44

Los Angeles – Die soektog na 'n voortvlugtige voormalige polisieman in die VSA het waarskynlik Dinsdagaand in Kalifornië tot 'n dramatiese einde gekom.

Die verdagte, Christopher Dorner, word al vir ses dae lank in verband met drie moorde gesoek.

'n Man, vermoedelik Dorner, het in 'n hut in 'n sneeubedekte woud in die Big Bear-gebied noordoos van Los Angeles geskuil, nadat hy tydens 'n polisie-jaagtog in 'n botsing was.

Volgens CNN is twee polisiemanne tydens 'n skietery gewond en na 'n plaaslike hospitaal geneem.

Een is by die hospitaal dood verklaar, terwyl die ander een in 'n bestendige toestand is.

'n Spesiale taakspan het die hut bestorm, maar die skieter is nog nie weer gesien nie. Die hut het ook intussen begin brand.

Owerhede het egter ontken dat Dorner se liggaam binne die vesting is en het gesê die polisie kan nog nie die hut betree nie omdat dit te warm is van die brand.

Dorner het 'n manifes op Facebook geplaas waarin hy wraak sweer teen Los Angeles se polisiedepartement, wat hom in 2009 afgedank het.

Lees verder.

Volg Nuus24 op Twitter.

– CNN