'Dooie' Siriese kleuter met ouers herenig

2012-10-26 13:53

Nicosia – ‘n Siriese seun is met sy familie herenig ná hulle maande lank gedink het hy het gesterf toe hulle uit Damaskus gevlug het, het ‘n prokureur van Ciprus gesê.

Die gesin het verlede jaar in die somer uit Damaskus gevlug toe opstande in hulle woongebied gewelddadig geraak het.

Die seun is met sy ouers in Ciprus herenig.

Stella Constantinou, die prokureur, het gesê niemand is seker presies hoe lank Bushr Al Tawashi op sy eie deur Damaskus gedwaal het nie. ‘n Ander familie het hom gevind en hom aan rebelle oorhandig, wat hom in hulle sorg geneem het.

Die inligting het eindelik deurgekom na sy ouers, wat saam met hulle twee ander seuns na Ciprus gevlug het.

Die ouers het Constantinou om hulp genader om Bushr na Ciprus te bring.

– Volg Nuus24 op Twitter
 

- Sapa - AP