'Dooie' Britse man in Sydney vasgetrek
2011-11-03 14:29
Sydney – ‘n Britse man wat daarvan aangekla word dat hy sy eie dood in ‘n lewensversekering-bedrogspul vervals het, is deur Australiese polisie in hegtenis geneem.
Hugo Sanchez is Woensdag ná ‘n ses jaar lange soektog deur die Australiese polisie in hegtenis geneem.
Sanchez en sy vrou het in Surrey gewoon en aansienlike skuld gehad, het Britse owerhede gesê.
Sanchez word daarvan beskuldig dat hy sy vrou glo oortuig het om aan amptenare en sy werkgewer te sê dat hy dood is terwyl hy oorsee was, sodat sy sy lewensversekering kon eis.
Sophie het begin om die geld te gebruik, maar die polisie het agterdogtig begin raak toe Sanchez se eie vingerafdrukke op sy doodsertifikaat gevind is.
– Volg Nuus24 op Twitter
- Sapa - AP