Doodstraf vir swerwer wat vrou moor
2011-04-21 23:00
Tallahassee (Florida) - ‘n Swerwer in Amerika wat skuldig bevind is van die moord op ‘n vrou, wie se afgekapte kop in ‘n nasionale woud gevind is, is ter dood veroordeel.
Gary Michael Hilton is Donderdagoggend gevonnis. Hy is daarvan skuldig bevind dat hy in Februarie die 46-jarige Cheryl Dunlap vermoor het. Slegs dae ná die skuldigbevinding het ‘n jurie eenparig die doodstraf aanbeveel.
Dunlap – ‘n verpleegster en ‘n sondagskool-onderwyseres, is dood gevind in die Apalachicola Nasionale Woud in die noorde van Florida, waar Hilton gekamp het.
Hilton is reeds tot lewenslange tronkstraf in die staat Georgia gevonnis nadat hy skuldig gepleit het op aanklagte daarvan dat hy ‘n 24-jarige stapper, Meredith Emerson, vermoor het. Haar koplose lyk is in ‘n bosagtige gebied, waar Hilton gekamp het, in die noorde van Georgia gevind.
Hy word van drie ander moorde in Florida en Noord-Carolina verdink.
- Volg Nuus24 op Twitter
- Sapa - AP