Doodstraf vir 3 wat met heroïen smokkel

2011-10-06 12:30

Hanoi – ‘n Hof in die noorde van Viëtnam het drie mense die doodstraf opgelê nadat hulle met heroïen gesmokkel het.

Die drie is Woensdag skuldig bevind nadat hulle tussen 2006 en 2010 met byna 22 kilogram heroïen gesmokkel het, het regter Pham Thi Thuy gesê.

Sy het Donderdag bygevoeg dat vier ander beskuldigdes lewenslange tronkstraf opgelê is en vier ander het tronkstraf van vier tot 20 jaar ontvang vir dieselfde aanklagte.

Sowat 100 mense kry jaarliks die doodstraf in Viëtnam vir dwelm-verwante oortredings.

– Volg Nuus24 op Twitter

 

- Sapa - AP