Dodetal ná aanval op skip staan op 10
2010-06-01 01:20
Jerusalem – Minstens nege mense is vroeg Maandag dood in ‘n aanval deur Israel op ‘n konvooi skepe wat voorrade na die Gasastrook sou neem, het die weermag gesê en hul vorige dodetal van 10 verlaag.
“Ons weet nou van nege mense wat in die aanval dood is,” het die weermag gesê en bygevoeg dat hul vorige dodetal gebaseer was op “verkeerde inligting”.
Die chaos en beperkte inligtingsbronne het gelei tot ‘n verskeidenheid berigte oor die hoeveelheid mense wat in die aanval dood is – met die getal wat gewissel het tussen nege en 19.
Die weermag het oorspronklik gesê dat “meer as 10 passasiers dood” is, terwyl Al Jazeera en Channel 10 van Israel berig het dat die dodetal op 19 staan.
Die Gasa-tak van die Turkse NRO IHH wat ‘n groot passasierskip in die vloot gehad het met meer as 600 passasiers het aan AFP gesê dat hulle van 15 sterftes weet en dat meeste Turke was.
Beramings van die hoeveelheid beseerdes wissel tussen 20 en 30 passasiers en sewe Israeliese soldate waarvan twee in ‘n ernstige toestand is.
Daar was geen amptelike inligting oor die toestand van die beseerde passasiers nie.
- Sapa-AFP
Volg Nuus24 op Twitter