Dodetal in Filippyne styg steeds ná tifoon

2012-12-05 12:43

Manila – Die dodetal ná die kragtige Tifoon Bopha die Filippyne getref het, het volgens amptenare Woensdag tot oor die 200 gestyg.

Fe Maestre, ‘n regeringswoordvoerder, het Woensdag aan AP gesê minstens 151 mense is in die Compostela Valley-provinsie dood.

Maestre het bygevoeg dat ‘n onbekende getal mense ook in die provinsie vermis word.

Ariel Bernardo, ‘n bevelvoerder vir die weermag, sê 51 mense is in die Davao Oriental-provinsie dood, terwyl 98 mense steeds vermis word.

Die dodetal sal na verwagting styg soos nooddienspersoneel toegang tot afgeleë gebiede kry.

– Volg Nuus24 op Twitter
 

- Sapa - AP