Discovery-man 'hou nie van die kanaal se programme'
2010-09-02 20:35
Silver Spring, Maryland – Amptenare het bevestig dat die gewapende man wat deur die polisie doodgeskiet is nadat hy drie mense by die Discovery Channel se hoofkwartiere gyselaar gehou het, se lyk uit die gebou verwyder is.
Volgens polisiewoordvoerder Angela Cruz is die lyk Donderdagoggend verwyder.
Polisie het die man as James J. Lee geïdentifiseer en daar is bevestig dat hy ‘n plofbare toestel om sy lyf gebind gehad het.
Lee het gesê dat hy die maatskappy se programme soos “Kate Plus 8” haat omdat hulle populasiegroei bevorder, en omgewingsprogramme omdat dit min doen om die omgewing te red.
Hy is ook in 2008 in hegtenis geneem nadat hy buite die gebou betoog het.
Volg Nuus24 op Twitter
- Sapa - AFP