Diewe kom weg met swaar buit

2012-01-26 19:58

Switserland – Die polisie in Switserland sê diewe het weggekom met 'n kluis van 100 kilogram wat hulle by 'n hostel in 'n ski-oord gesteel het.

Die diewe het glo 'n gesteelde sneeuplank gebruik om weg te kom met hul buit.

Volgens die polisie het die voorval Maandagaand of vroeg Dinsdagoggend gebeur.

Hulle het die kluis van die hostel se kantoor geneem, tesame met 'n onbekende hoeveelheid kontant en tjeks.

'n Sneeuplank is ook gesteel en volgens die polisie kon die diewe dit dalk gebruik het om hul buit te vervoer.

Die polisie het 'n beroep op inwoners of enigeen wat inligting oor die diefstal het om na vore te kom.

– Volg Nuus24 op Twitter.

- Sapa - AP