Dief breek by Steve Jobs se huis in

2012-08-14 22:59

Palo Alto – Talle rekenaars en persoonlike items ter waarde van meer as $60 000 (sowat R490 000) is uit die ontslape Steve Jobs se huis gesteel.

Die polisie is vasbeslote dat die voorval by die woning in Palo Alto in die noorde van Kalifornië ‘n “gewone” inbraak was.

“Buiten die feit dat dit mnr. Jobs behels, is dit ‘n redelike standaarde huisbraak,” het Scott Tsui, ‘n adjunk-distriksprokureur, gesê.

Hy sê die inbraak het op 17 Julie plaasgevind.

Kariem McFarlin (35) is op 2 Augustus in hegtenis geneem en van huisbraak en die verkoop van gesteelde goedere aangekla. Die verdagte sal later vandeesmaand weer in die hof verskyn.

Owerhede glo McFarlin het nie geweet dis die medestigter van Apple se huis nie.

“Ek kan my verbeel die verdagte het later besef wie se huis dit was, maar buite was dit net nog ‘n huis in Palo Alto,” het Tsui gesê.

Die polisie glo die huis is geteiken aangesien die woning tans gerestoureer word.

Jobs het verlede Oktober op die ouderdom van 56 gesterf.

Volg Nuus24 op Twitter   

- Sapa - AP