Dieetpille maak tiener glo mal
2009-10-14 12:00
Hongkong- Volgens gesondheidsowerhede in Hongkong het ‘n tiener geestesversteurings opgedoen nadat sy dieetpille gedrink het wat sy oor die internet aangeskaf het.
Die 17-jarige meisie het glo paranoïes geraak, begin hallusineer en selfmoordneigings ontwikkel nadat sy die pil genaamd “Show Party” gedrink het.
Sy is in die hospitaal opgeneem nadat sy haarself begin beseer het, het die departement van gesondheid gesê.
Toetse op die medikasie het getoon dat dit ‘n onwettige middel genaamd, phenolphthalein, bevat wat meestal gebruik word vir hardlywigheid. Die middel is skadelik omdat dit glo kanker kan veroorsaak.
Die pille het ook sibutramine bevat wat die eetlus onderdruk maar hoë bloeddruk kan veroorsaak.
Dokters raai gebruikers van dié dieetpille aan om die medikasie te staak sou hulle enige simptome ontwikkel.
Sapa, dpa