Dalai Lama-opvolger van sameswering aangekla
2011-12-08 20:58
Nieu Delhi – Die polisie in Indië het die Karmapa, ‘n
Boeddhistiese monnik wat moontlik die Dalai Lama se opvolger kan wees, van
sameswering aangekla nadat hulle meer as $1 miljoen (sowat R8,2 miljoen) in kontant by sy klooster gevind
het.
Die Karmapa word saam met nege ander monnike aangekla.
Hulle klooster is in die noordelike Himachal
Pradesh-staat naby die dorp Dharamashala.
Duisende Tibettane wat Chinese vervolging ontsnap het,
het hulle in dié gebied gevestig.
Polisiebeamptes het in Januarie tydens ‘n
klopjag beslag gelê op die kontant.
Die som geld bestaan uit verskeie geldeenhede,
insluitend die Chinese juan.
Die Karmapa sê die geld is deur sy volgelinge
aan die klooster geskenk.
“Die Karmapa word van sameswering aangekla,”
het Sumedha Dwivedi, 'n senior polisiebeampte, gesê.
“Ons het al die feite wat ons nodig het om ons
saak teen hom te bewys.”
Volg Nuus24 op Twitter.
- AFP