Clinton ooreenkoms - ARVs nou goedkoper
2009-08-06 19:57
New York – Bill Clinton, die voormalige president van die VSA, het ‘n ooreenkoms met twee farmaseutiese maatskappye gesluit wat MIV-behandeling in arm lande aansienlik goedkoper sal maak.
Volgens Clinton sal die ooreenkoms met Pfizer en Mylan die kostes van ‘n kursus anti-retrovirale medikasie (ARVs) tot minder as R4 000 per jaar verlaag.
Die betrokke medikasie word gebruik vir behandeling van mense wat ‘n weerstand opgebou het teen normale ARVs.
Die ooreenkoms is die jongste in ‘n reeks soortgelyke prysverlagings vir MIV-medikasie wat Clinton se stigting sedert 2002 bewerkstellig het.
-Sapa-AP