Clinton: 'Red Haïti uit armoede'
2010-01-29 03:10
Port-au-Prince – Die voormalige Amerikaanse president, Bill Clinton, het korporatiewe base by die Wêreld-Ekonomiese Forum aangemoedig om die ramp in Haïti te gebruik as ‘n geleentheid om die vernietigde Karibiese nasie van generasies van armoede te verlig.
“Hulle moet gehelp word deur hierdie vreeslike ramp,” het Clinton in sy toespraak gesê.
Dit volg nadat reddingswerkers Woensdag ‘n 16-jarige meisie, Darlene Etienne, na 15 dae onder die puin uitgehaal het.
Volgens dokters is sy stabiel, maar ongelooflik gedehidreer, aan boord ‘n Franse hospitaalskip.
“Ek kan dit nie medies verduidelik nie, maar sy het vanoggend vir my gesê dat sy niks geëet of gedrink het nie,” het Evelyne Lambert, die hoof-dokter aan boord die Siroco, gesê.
Bure het Woensdag haar noodroep gehoor en reddingswerkers na die toneel ontbied.
Dokters was bekommerd dat haar hart sal gaan staan aangesien sy so swak was. Sy is sover die persoon wat die langste vasgekeer was na die aardbewing en dit oorleef het.
Internasionale fondse wat vir Haïti ingesamel is het Donderdag $2 miljoen (R15 miljoen) bereik, het die Verenigde Nasies gesê, maar dit is nog ‘n groot taak wat voorlê om die land weer terug op sy voete te kry.
- Sapa-AFP