Clinton, Bush besoek Haïti
2010-03-23 05:23
Port-Au-Prince – Die twee gewese Amerikaanse press. Bill Clinton en George W. Bush het Haïti besoek om die land te verseker dat die wêreld nie van hulle vergeet het nie.
Dít kom tien weke nadat ‘n verwoestende aardbewing die land getref het.
Die twee presidente gaan met Rene Preval, president van Haïti vergader en eerstehands die situasie in sommige kampe ervaar waar honderde duisende oorlewendes van die aardbewing tans gehuisves word.
Jean-Max Bellerive, premier het gesê hy is daarvan oortuig dat die inwoners van Haïti saal baatvind by die gesamentlike poging van die twee presidente.
Ongeveer tien weke nadat die dodelike aardbewing die land getref het, probeer die regering en internasionale hulpwerkers steeds om meer as 200 000 mense te hervestig.
Baie van die kampe is op styl hange geleë en kan maklik weggespoel word sodra die eerste reën gaan uitbreek.
Vordering tot dusver is baie stadig en daar is ‘n groeiende bekommernis oor vroue, kinders en bejaardes.
Dit is Clinton se tweede besoek aan Haïti en Bush se eerste.
- Sapa-AFP